सार्वत्रिक निवडणूक -2022 चे आरक्षण सोडत मंगळवारी

कोल्हापूर ता. 30 : महापालिका सार्वत्रिक निवडणूक-2022 चे आरक्षण सोडत मंगळवार, दि.31 मे 2022 रोजी सकाळी 11 वाजल्यापासून काढण्यात येणार आहे. सदरचे आरक्षण सोडत केशवराव भोसले नाटयगृह येथे काढण्यात येणार आहे. या सोडतीची संपूर्ण तयारी पूर्ण झाली आहे. या आरक्षण सोडतीच्या तयारीची प्रशासक डॉ.कादंबरी बलकवडे यांनी समक्ष पाहणी केली. यावेळी अतिरिक्त आयुक्त नितीन देसाई, उप-आयुक्त रविकांत आडसूळ, शिल्पा दरेकर, सहा.आयुक्त विनायक औंधकर, मुख्य लेखापाल संजय सरनाईक, निवडणूक अधिक्षक सुधाकर चल्लावाड व अधिकारी/कर्मचारी उपस्थित होते. या आरक्षण सोडतीचे शहरामध्ये बी न्यूज व एस न्यूज या स्थानिक वाहिन्यांवर थेट प्रक्षेपण करण्यात येणार आहे. त्याचबरोबर फेसबुकवर Kolhapur Municipal Corporation या लिंकवर आरक्षण सोडत पाहता येणार आहे. तरी नागरीकांनी घरी बसून थेट प्रक्षेपणाद्वारे आरक्षण सोडतीचा लाभ घ्यावा असे आवाहन महापालिकेच्यावतीने करण्यात आले आहे.