Mirror Kolharpur
कोल्हापूर : भारतीय स्मार्टफोन उद्योगात पहिल्यांदाच, aiplus.in ने आपल्या आगामी नोव्हा 2 निओ आणि नोव्हा 2 प्रो स्मार्टफोनच्या विक्रीपूर्वी देशभरातील परीक्षक, तंत्रज्ञान पत्रकार, कंटेंट निर्माते आणि तंत्रज्ञान समुदायातील सदस्यांना उपकरणे पाठवून खुल्या चाचणीची घोषणा केली आहे. या उपक्रमांतर्गत कोणतेही निर्बंध, परीक्षण मार्गदर्शक तत्त्वे किंवा पूर्वनियोजित विपणन संदेश नसतील.
कंपनीचे मुख्य कार्यकारी अधिकारी आणि माधव शेठ यांनी सांगितले की, ग्राहकांच्या हिताला प्राधान्य देण्यासाठी कंपनीने हा पारदर्शक दृष्टिकोन स्वीकारला आहे. परीक्षकांना उपकरणांच्या हार्डवेअर, सॉफ्टवेअर, कॅमेरा, बॅटरी, डेटा ट्रान्सफर आणि एकूण वापरकर्ता अनुभवाची सखोल चाचणी घेण्याचे स्वातंत्र्य असेल.
महत्त्वाचे म्हणजे, परीक्षकांना अभिप्राय देण्यासाठी सात दिवसांचा कालावधी मिळेपर्यंत नोव्हा 2 निओ आणि नोव्हा 2 प्रो विक्रीस उपलब्ध होणार नाहीत. सकारात्मक तसेच टीकात्मक अभिप्रायांचे स्वागत करण्यात येणार असून सर्व परीक्षणे ब्रँडच्या संकेतस्थळावर वास्तवकाळात प्रकाशित केली जातील.
हे दोन्ही स्मार्टफोन नोव्हा सिरीज मधील नवीन मॉडेल्स असून ते नोव्हा 2 अल्ट्रा च्या खाली स्थानित करण्यात आले आहेत. अधिकाधिक ग्राहकांपर्यंत आधुनिक तंत्रज्ञान सुलभ, पारदर्शक आणि विश्वासार्ह स्वरूपात पोहोचवण्याचा कंपनीचा उद्देश आहे.
nxtquantum.com� ही भारतात विकसित केलेली डीप-टेक कंपनी असून ती भारताची सार्वभौम मोबाइल ऑपरेटिंग प्रणाली NxtQuantum ओ एस विकसित करत आहे. कंपनीचा भर सुरक्षित, गोपनीयता-केंद्रित आणि भारतात विकसित डिजिटल तंत्रज्ञान उभारण्यावर आहे.
