होंडा टुव्हीलर्स इंडियातर्फे कोल्हापूर येथे बिगविंगचे उद्घाटन

कोल्हापूर, १ मार्च २०२१ – होंडा मोटरसायकल अँड स्कूटर इंडिया प्रा. लि. ने आज कोल्हापूर येथील युनिट क्रमांक – ७ ते १०, डेक्कन हाउस, सी. एस. नं. १०३६/बी, ‘ई’ वॉर्ड, राजाराम रस्ता येथे प्रीमियम बिग बाइक्स व्यवसायाचे – होंडा बिगविंगचे उद्घाटन करत ‘गो रायडिंगला’ नवी चालना दिली आहे.
कोल्हापूर येथील बिगविंगच्या उद्घाटनप्रसंगी होंडा मोटरसायकल अँड स्कूटर इंडिया प्रा. लि. च्या विक्री आणि विपणन विभागाचे संचालक श्री. यदविंदर सिंग गुलेरिया म्हणाले, ‘होंडा बिगविंगच्या (होंडा एक्सक्लुसिव्ह प्रीमियम मोटरसायकल नेटवर्क) विस्तारावर आणि त्याच्या माध्यमातून ग्राहकांना अनोखा अनुभव देण्यावर आमचा भर आहे. आज आम्हाला कोल्हापूर येथे बिगविंगचे उद्घाटन करताना अतिशय आनंद होत आहे. या प्रीमियम दालनाच्या माध्यमातून आम्ही होंडाच्या आनंददायी मोटरसायकल्स तसेच प्रीमियम मोटरसायकल्सची मध्यम आकाराची श्रेणी कोल्हापूरमधील ग्राहकांना सहजपणे उपलब्ध करून देणार आहोत.’
विशेष म्हणजे, होंडा टुव्हीलर्स इंडियाने गेल्याच वर्षी गुरगाव येथे बिगविंग टॉपलाइनचे उद्घाटन करत आपल्या प्रीमियम मोटरसायकल व्यवसायाची पायाभरणी केली होती. त्यानंतर पुढे जात या आर्थिक वर्षाच्या अखेरपर्यंत होंडा देशभरात बिगविंगच्या दालनांची संख्या 50 पर्यंत विस्तारणार आहे.
मोठ्या शहरांत बिगविंग टॉपलाइन होंडाच्या रिटेल फॉरमॅटचे नेतृत्व करते, तर मागणी असलेल्या इतर केंद्रांमधे बिगविंग कार्यरत आहे. होंडा बिगविंग टॉपलाइनमधे होंडाच्या प्रीमियम मोटरसायकलची संपूर्ण श्रेणी उपलब्ध करण्यात आली असून त्यात सीबी३५० आरएस, हायनेस-सीबी३५०, सीबीआर१०००आरआर-आर फायरब्लेड, सीबीआर१०००आरआर-आर फायरब्लेड एसपी आणि अव्हेंचर टुअरर आफ्रिका ट्विन अडव्हेंचर स्पोर्ट्स, होंडा बिगविंग कंपनीच्या मध्यम आकाराच्या मोटरसायकल चाहत्यांसाठीच्या बाइक्सचा समावेश आहे
कृष्णधवल मोनोक्रोमॅटिक थीम असलेल्या बिगविंगमधे सर्व गाड्या दिमाखदार पद्धतीने मांडण्यात आल्या आहेत. उत्पादन किंवा अक्सेसरीजसंबंधित ग्राहकांचे प्रश्न सोडवण्यासाठी प्रशिक्षित, कुशल व्यावसायिकांची नेमणूक करण्यात आली आहे. गाडीच्या शोधापासून खरेदीपर्यंतचा प्रवास सोपा करण्यासाठी www.HondaBigWing.in वर सर्व तपशलवार माहिती देण्यात आली आहे. संकेतस्थळावरील ऑनलाइन नोंदणीचा पर्याय ग्राहकांना फक्त काही क्लिक्सच्या मदतीने जलद, सफाईदार व पारदर्शक अनुभव देतो. ग्राहकांचा अभिप्राय तत्काळ नोंदवणारे होंडा बिगविंग सर्व सोशल मीडिया प्लॅटफॉर्म्सवरही सक्रिय आहे. रायडिंगचा आनंद द्विगुणित करण्यासाठी आणि ग्राहकांसाठी नव्या संधी निर्माण करण्यासाठी अक्सेसरीजची मोठी श्रेणी तसेच रायडिंग गियर्सही उपलब्ध करण्यात आले आहेत.
हायनेस-सीबी३५० च्या राजेशाही रायडिंगचा उत्साह आणखी उंचावण्यासाठी १० पर्यायी अक्सेसरीज खास तयार करण्यात आल्या असून त्यामुळे गाडीची एकंदर स्टाइल व एकंदर सौंदर्यात भर पडते. स्पर्धात्मक किंमत असलेल्या या अक्सेसरीज दर्जाच्या सर्व नियमांत बसणारे असून त्या होंडाच्या जागतिक दर्जाचे नियमही पूर्ण करणाऱ्या आहेत. या अक्सेसरीज हायनेस-सीबी ३५० च्या डीएलएक्स आणि डीएलएक्स प्रो प्रकारांसाठीही उपलब्ध करण्यात आल्या आहेत.