बँड वादकाची प्रेमकथा असलेला “तत्ताड” चित्रपट २१ फेब्रुवारीला प्रेक्षकांच्या भेटीला

कोल्हापूर च्या तरुणांने संगीतबद्ध केलेल्या ‘तत्ताड’चा ट्रेलर लाँच
कोल्हापूर /प्रतिनिधी
दुसऱ्याच्या लग्नात बँड वाजवणाऱ्या एका बँड वादकाची प्रेमकथा असलेला आणि कोल्हापूर च्या ऐश्वर्य मालगावे या युवकांने संगीतबद्ध केलेला “तत्ताड”चित्रपट येत्या २१ फेब्रुवारी रोजी प्रेक्षकांच्या भेटीला येत असून नुकताच या चित्रपटाचा ट्रेलर लाँच झाल्याची माहिती चित्रपटाचे लेखक दिग्दर्शक राहूल गौतम ओव्हाळ यांनी कोल्हापूरात पत्रकार परिषदेत दिली.
या चित्रपटाविषयी माहिती देताना कलाकार म्हणाले लग्नातल्या बँडमध्ये पिपाणी वाजवणाऱ्या एका तरुणाची प्रेमकथा या चित्रपटातून मांडण्यात आल्याने कथेला संगीताचा एक विलक्षण पदर आहे.दरम्यान
रंजक कथानक आणि नव्या दमाचे आश्वासक कलाकार असलेल्या संगीतमय तत्ताड या चित्रपटाचा ट्रेलर लाँच करण्यात आला असून नावापासूनच वेगळेपण जपलेल्या या चित्रपटाचं कुतूहल या ट्रेलरमुळे नक्कीच वाढलं आहे.तर वेब स्ट्रीमिंगमध्ये आघाडीवर असलेल्या प्राइमफ्लिक्सनं हा चित्रपट प्रस्तुत केला आहे. चित्रपटाचं लेखन आणि दिग्दर्शन राहुल गौतम ओव्हाळ यांनी केलं असून राकेश भोसले, सुशील देशपांडे आणि प्रितम म्हेत्रे चित्रपटाचे निर्माते आहेत.चित्रपटात चेतन डीके, मानसी पाठक, ज्योती सुभाष, अनिल नगरकर, राहुल बेलापूरकर, सागर पवार, प्रफुल्लकुमार कांबळे, अक्षदा काटकर, गिरीजा झाड,सुदर्शन काळे, रोहित जाधव, राजेश मोरे, शरद ढिकुले, स्वप्नील धोंगडे, प्रसाद ओझरकर,  काका शिरोळे अशी उत्तम स्टारकास्ट या चित्रपटात आहे. ट्रेलरवरून हा चित्रपट तांत्रिकदृष्ट्या सक्षम, भावनिक कथा मांडणारा आणि उत्तम संगीताचा आनंद देणार असल्याचं दिसून येत आहे.दरम्यान दुसऱ्याच्या लग्नात बँड वाजवणाऱ्या एका बँड वादकाची प्रेमकथा असलेला आणि कोल्हापूर च्या ऐश्वर्य मालगावे यानं संगीतबद्ध केलेला “तत्ताड”चित्रपट येत्या २१ फेब्रुवारी रोजी प्रेक्षकांच्या भेटीला येत असून प्रेक्षकांनी चित्रपटातगृहात जावून चित्रपट पहावा असं आवाहन यावेळी चित्रपटातील कलाकारांनी केलयं.
पत्रकार परिषदेला चित्रपटातील कलाकार अभिनेता चेतन डाके,ऐश्वर्य मालगावे, अभिनेत्री अक्षदा काटकर,गिरीजा झाड उपस्थित होत्या.