सनई चौघडे , वळु आणि संहिता अशा दर्जेदार चित्रपटांनंतर शो मॅन सुभाष घई आणि मुक्ता आर्ट्स घेऊन येत आहेत आगामी चित्रपट “विजेता” येत्या १२ मार्च रोजी रिलीज होणार आहे.विविध खेळ आणि खेळाडूंची मानसिकता यावर आधारित विजेता चित्रपट असल्याची माहिती पत्रकार परिषदेत मुख्य भूमिकेत असणारे सुबोध भावे यांनी दिली या चित्रपटात ते सौमित्र या माईंड कोचची भूमिका साकारत आहेत.पत्रकार परिषदेत माधव देवचक्के, देवेंद्र चौघुले,दिप्ती धोत्रे,प्रीतम कागणे व दिग्दर्शक अमोल शेटगे यांनीही आपल्या भूमिकेविषयी माहिती दिली.यावेळी कोल्हापूरातील मान्यवर खेळाडूंचा ट्राॅफी देऊन गौरव करण्यात आला,यामध्ये कुस्ती प्रशिक्षक कृष्णात पाटील,शिवछत्रपती पुरस्कार प्राप्त विष्णू जोशीलकर, शाहू केसरी विजेते विलास पाटील यांचा समावेश होता. यावेळी चित्रपटाच्या डिजिटल पोस्टरचेही लाँचिंग करण्यात आले.
या चित्रपटात मोठमोठे नामांकित कलावंत काम करत आहेत. ज्यामध्ये सुबोध भावेसह पुजा सावंत, प्रीतम कागणे ,सुशांत शेलार,माधव देवचक्के,मानसी कुलकर्णी ,तन्वी किशोर,देवेन्द्र चौघुले, दिप्ती धोत्रे, कृतिका तुलसकर,आणि
गौरीश शिपुरकर या कलावंतांचा समावेश आहे.खेळाची पार्श्वभूमी असलेला हा चित्रपट प्रेक्षकांची उत्सुकता वाढविणारा आहे.हे लक्षात येत. या चित्रपटाचे लेखक,दिग्दर्शक अमोल शेटगे आहेत.निर्माते राहुल पुरी आणि राजू फारुकी व
सहनिर्माते सुरेश पै आहेत.
कार्यकारी अधिकारी – मुक्ता आर्टस् – आशिष गर्ड़े
,छायालेखक उदयसिंह मोहिते,संगीत रोहन रोहन आणि संकलक आशिष म्हात्रे आहेत.
