हीरो नं. 1 गोविंदा आणि शक्ती कपूर येणार इंडियन आयडॉल सत्र 12 च्या सेट्सवर

आगामी वीकएंडला सोनी एन्टरटेन्मेंट टेलिव्हिजनवरील इंडियन आयडॉल या सर्वात लाडक्या शो मध्ये प्रेक्षकांच्या भेटीला येत आहे गोविंदा आणि शक्ती कपूर ही अफलातून जोडी.
हास्याची कारंजी, मनोरंजन, मजेदार गप्पाटप्पा आणि सुरेल संगीताने भरलेला हा भाग असणार आहे. या जोडीचे चाहते असलेले आपले स्पर्धक त्यांच्यासमोर आपली प्रतिभा सादर करण्याच्या आनंदात उत्साहाने परफॉर्म करतील. हे दोघे पाहुणे कलाकार त्यांच्या जीवनातील आणि कारकीर्दीतील काही किस्सेही सांगतील, जे मजेदार आणि प्रेरणादायकही असतील. स्पर्धकांबरोबरच या 12व्या सत्रातील परीक्षक नेहा, विशाल आणि हिमेश सुद्धा या जोडीशी गप्पा गोष्टी करण्यात मश्गुल होताना दिसेल.