रमजान ईदच्या कार्यक्रमांना फाटा : इमदाद फौंडेशनने कोविडमध्ये जपली माणुसकी

युवा ग्रामीण विकास संस्थेच्या कर्मचाऱ्यांना मदतीचा हात
गांधीनगर:प्रतिनिधी-देशावर कोरोनाचे संकट आहे. रमजान ईद निमित्त खरेदी न करता सर्व जाती धर्मातील गोरगरीब, गरजू यांना मदत करावी या उद्देशाने उजळाईवाडी इमदाद फौंडेशन, उजळाईवाडी ( ता.करवीर ) या सेवाभावी संस्थेच्या वतीने कोरोना संकटात जीवाची बाजी लावणाऱ्या उजळाईवाडी महामार्ग पोलीस मदत केंद्रातील पोलीस कर्मचारी,आरोग्य जनजागृतीसाठी फ्रंट लाईनवर काम करणारी युवा ग्रामीण विकास संस्था,गोकुळ शिरगाव, गोकुळ शिरगाव पोलीस ठाण्यातील सर्व पोलीस कर्मचारी,उजळाईवाडी ग्रामपंचायत कर्मचारी,आशा स्वयंसेविका, पत्रकार,यांना सॅनिट्झर ,मास्कचे वाटप केले.तर एकटी संस्था,शाहू बेघर निवारा येथे बेघर नागरिकांना मोफत अन्नदान केले.
यावेळी गोकुळ शिरगाव पोलीस ठाण्याचे सपोनि प्रवीण पाटील म्हणाले की, संस्थेचे कोरोना काळातील दातृत्व उल्लेखनीय आहे, सेवाभावी वृत्तीने कार्य करणारी मंडळी समाजात बदल घडवितात.