आमदार हसनसाहेब मुश्रीफ यांच्या वाढदिनी जोतिबाला अभिषेक महाआरती

केडीसीसी बँकेचे संचालक बाबासाहेब पाटील- आसूर्लेकर यांच्यासह कार्यकर्त्यांकडून अभिष्टचिंतन
जोतिबा डोंगर, दि. ३०: आज प्रभू श्री. रामनवमी दिवशी होत असलेल्या आमदार हसनसाहेब मुश्रीफ यांच्या वाढदिवसाच्या निमित्ताने बारा ज्योतिर्लिंगापैकी एक असलेल्या वाडी रत्नागिरी येथील जोतिबा डोंगरावरील श्री. जोतिबा मंदीरात केडीसीसी बँकेचे संचालक बाबासाहेब पाटील – आसुर्लेकर व सर्व प्रमुख कार्यकर्ते यांचे हस्ते अभिषेक व महाअआरती करण्यात आली. यावेळी कार्यकर्त्यांच्या उपस्थितीत महाआरती मोठ्या भक्तिमय वातावरणात संपन्न झाली. आमदार श्री. मुश्रीफसाहेबाना उत्तम आरोग्य, दीर्घायुष्य लाभावे व त्याच्यावरील सर्व संकटांमधून मुक्ती व्हावी. अशा सद्भावना श्री. आसुर्लेकर- पाटील यांच्यासह कार्यकर्त्यांनी व्यक्त केल्या. यावेळी राष्ट्रवादी काँग्रेसचे सर्व प्रमुख कार्यकर्ते, महाविकास आघाडीचे कार्यकर्ते, ग्रामस्थ व महिला मोठ्या संख्येने उपस्थित होत्या.