सुष्‍ट व दुष्‍टांमधील अंतिम लढा सुरू झाला आहे. सोनी सबवरील सुपरहिरो अलाद्दिन (सिद्धार्थ निगम) व बालवीर (देव जोशी) सोनी सबवरील मालिका ‘अलाद्दिन: नाम तो सुना होगा‘ व ‘बालवीर रिटर्न्‍स‘मधील मेगा-क्रॉसओव्‍हरमध्‍ये सर्वात मोठ्या व सर्वात क्रूर शत्रूंसोबत लढण्‍यासाठी सज्‍ज आहेत.
जिनूच्‍या (राशुल टंडन) मदतीने तिम्‍नसा (पवित्रा पुनिया) तिला भूतकाळ, वर्तमानकाळ व भविष्‍यकाळाची राणी बनवू शकणारे तिन्‍ही मणी शोधण्‍याच्‍या मिशनमध्‍ये यशस्‍वी झाली आहे. भयराणी तिम्‍नसा विनाशाची सर्वात शक्तिशाली राणी बनण्‍यापासून फक्‍त एक पाऊल दूर आहे. दुसरीकडे जफरची (आमिर दळवी) संपूर्ण बगदादचा विध्‍वंस करण्‍याची मास्‍टर योजना सुरू झाली आहे. त्‍याने साप व विषांची राणी नागिनीला (प्रिया शर्मा) मुक्‍त केले आहे.
नागिनी तिच्‍या नजरेने बगदादच्‍या लोकांना दगडामध्‍ये बदलण्‍यास सुरूवात करते. यादरम्‍यान जिनू व तिम्‍नसाने त्‍याच्‍या विश्‍वामध्‍ये निर्माण केलेल्‍या कोलाहलाबाबत अलाद्दिनला सांगण्‍यासाठी विवान (वंश सयानी) बगदादला पोहोचतो. पण बगदादमधील विध्‍वंस पाहून विवानला धक्‍का बसतो.
दोन्‍ही विश्‍वांमधील विध्‍वंस पाहून बालवीर बगदादला पोहोचतो. अलाद्दिन व बालवीर नागिनीचा सामना करण्‍यासाठी आणि तिन्‍ही मणींचा नाश करण्‍यासाठी हातमिळवणी करतात.
बालवीर व अलाद्दिन बगदादचे रक्षण करतील का? तिम्‍नसा व जफर यांची त्‍यांच्‍या विश्‍वांमधील सर्वात शक्तिशाली बनण्‍याची इच्‍छा होईल का?
अलाद्दिनची भूमिका साकारणारा सिद्धार्थ निगम म्‍हणाला, ”क्रॉस-ओव्‍हरचा हा अंतिम लढा अत्‍यंत प्रखर आहे. यामधून बगदादचे नशीब ठरणार आहे. आतापर्यंत शूटिंग करण्‍याचा अत्‍यंत रोमांचकारी अनुभव राहिला आहे. पण मी देव व वंशसोबत स्‍टण्‍ट्स व फाइट सीक्‍वेन्‍सेस करण्‍याचा भरपूर आनंद घेतला. या क्रॉसओव्‍हरमुळे मालिकेमध्‍ये रोचक बदल झाले. मी आगामी एपिसोड्ससाठी ‘बालवीर रिटर्न्‍स’च्‍या सेटवर देखील शूटिंग केली. दुष्‍टता तिप्‍पटीने वाढली आहे. जफर, तिम्‍नसा व नागिनी सर्वत्र विध्‍वंस करत आहेत. प्रेक्षकांना या शत्रूंना पराभूत करण्‍यासाठी आणि त्‍यांच्‍या विश्‍वाचे संरक्षण करण्‍यासाठी अलाद्दिन व बालवीर एकत्र येताना पाहायला मिळणार आहे. तर मग मालिका पाहत राहा.”
बालवीरची भूमिका साकारणारा देव जोशी म्‍हणाला, ”तिम्‍नसा भूतकाळ, वर्तमानकाळ व भविष्‍यकाळावर नियंत्रण ठेवणारे तीन मणी निर्माण करण्‍याचा प्रयत्‍न करत आहे. तिने जफरसोबत एक करार केला आहे, जेथे ते त्‍यांच्‍या विश्‍वाचा विध्‍वंस करण्‍यासाठी एकमेकांना मदत करतात. आता बालवीर व अलाद्दिनवर त्‍यांच्‍या सर्वात मोठ्या लढ्याचा सामना करण्‍याची जबाबदारी आहे. अलाद्दिनला नागिनीचा पराभव करण्‍यामध्‍ये मदत करण्‍यासाठी लवकरच बालवीर बगदादमध्‍ये येणार आहे.”
या भव्‍य क्रॉसओव्‍हरमधील सुष्‍ट व दुष्‍टांमधील अंतिम लढा व अंतिम युद्ध पाहा आज रात्री ‘बालवीर रिटर्न्‍स’मध्‍ये रात्री ८ वाजता आणि ‘अलाद्दिन: नाम तो सुना होगा’मध्‍ये रात्री ९ वाजता फक्‍त सोनी सबवर
