Mirror Kolharpur
कोल्हापूर : ट्रेडेन्ट लिमिटेड या ट्रायडंट ग्रूपच्या प्रमुख कंपनीने देशभरात राबविण्यात येणाऱ्या ‘तक्षशिला-२०२६’ या भरती उपक्रमाच्या २५व्या पर्वाची घोषणा केली आहे. या उपक्रमांतर्गत तीन वर्षांचा अनुभव असलेल्या २००० हून अधिक तरुण पदवीधर व डिप्लोमाधारकांना संधी देण्यात येणार असून, कंपनीच्या विविध उत्पादन व ऑपरेशनल विभागांमध्ये त्यांना कामाची संधी मिळणार आहे.
टेक्सटाईल ऑपरेशन्स, इंजिनिअरिंग, क्वालिटी, अकाउंट्स, सप्लाय चेन, आयटी, अॅडमिन व एचआर अशा विविध क्षेत्रांसाठी अर्ज मागविण्यात येत आहेत. निवड झालेल्या उमेदवारांना सुरुवातीला १२ लाख रुपये वार्षिक मानधन देण्यात येणार आहे.
या उपक्रमाद्वारे ट्रायडंट ग्रूपने मनुष्यबळातील गुंतवणुकीला प्राधान्य देत सर्वसमावेशक विकास, उत्पादन क्षमतेत वाढ आणि कर्मचाऱ्यांसाठी दीर्घकालीन करिअर प्रगतीची दिशा कायम ठेवण्याची भूमिका अधोरेखित केली आहे.
