Mirror Kolharpur
कोल्हापूर : एआय+ने नोव्हा 2 मालिकेतील नवीन नोव्हा 2 पॉवर 5G स्मार्टफोन भारतीय बाजारात लाँच केला आहे. आकर्षक डिझाइन, कार्यक्षमता आणि दीर्घकाळ टिकणारी बॅटरी यांचा संगम असलेला हा स्मार्टफोन नव्या पिढीच्या ग्राहकांच्या गरजा लक्षात घेऊन सादर करण्यात आला आहे.
पारंपरिक स्मार्टफोन लाँचपेक्षा वेगळ्या पद्धतीने नोव्हा 2 पॉवरचे नवी दिल्लीतील रॅम्पवर अनोख्या अंदाजात पदार्पण करण्यात आले. फॅशन आणि तंत्रज्ञानाचा संगम साधत स्मार्टफोनला आधुनिक रॅम्प लुक्समध्ये सादर करण्यात आले. त्यामुळे स्मार्टफोन हा केवळ तंत्रज्ञानाचे उपकरण नसून स्टायलिश अॅक्सेसरी म्हणूनही वापरता येतो, हा दृष्टिकोन अधोरेखित झाला.
‘डिझाइन टू इन्स्पायर. पॉवर टू आउटलास्ट’ या संकल्पनेवर आधारित नोव्हा 2 पॉवरमध्ये डिझाइनसोबत कार्यक्षमता आणि टिकाऊपणावर भर देण्यात आला आहे. स्मार्टफोनमध्ये ड्युअल-टोन बॅक पॅनेल असून कलर फ्युजन फिनिशमध्ये ब्लू गोल्ड फ्युजन आणि ब्लू फ्युजनसह ओशन ग्रीन, डीप पर्पल आणि मिडनाईट ब्लॅक असे रंग उपलब्ध आहेत.
रॅम्प सादरीकरणासाठी नोव्हा 2 पॉवरला रश्मी छाब्रा यांच्या ‘जस्ट बिली’च्या अॅथलीजर लुक्ससोबत स्टाइल करण्यात आले होते.
नोव्हा 2 पॉवरमध्ये डिझाइन आणि कार्यक्षमता यां
नोव्हा 2 पॉवरमध्ये 7000 एमएएच बॅटरी आणि 33 वॅट फास्ट चार्जिंग देण्यात आले आहे. शक्तिशाली चिपसेट, उच्च रिफ्रेश रेट डिस्प्ले आणि सक्षम कॅमेरा सिस्टममुळे दैनंदिन वापर, गेमिंग आणि कंटेंट क्रिएशनसाठी स्मार्टफोन उपयुक्त ठरण्याचा कंपनीचा दावा आहे.
