Mirror Kolharpur
सोलापूर: मध्यम क्षमतेच्या (२५० सीसी ते ७५० सीसी) मोटरसायकल विभागातील जागतिक अग्रणी रॉयल एनफिल्डने आज २०२६ क्लासिक ३५० ‘सिग्नेचर व्हाईट’ एडिशन सादर केली.
प्रत्येक राईड अधिक सहज आणि आरामदायी बनवण्याच्या उद्देशाने नव्या क्लासिक ३५० सिग्नेचर व्हाईट एडिशनमध्ये रायडर-केंद्रित अनेक महत्त्वपूर्ण सुधारणा करण्यात आल्या आहेत. यामध्ये रायडर आणि मागील प्रवाशासाठी प्रीमियम तपकिरी टुरिंग सीट्स, साईड पॅनेलवर नवीन क्लासिक लोगो युनिट, इंधन टाकीवर स्टेन्सिल-शैलीतील डेकल आणि दोन्ही बाजूंना ‘आरई’ बॅजसह आकर्षक व्हिज्युअल ट्रीटमेंट देण्यात आली आहे.
या मोटरसायकलमध्ये असिस्ट आणि स्लिपर क्लच तसेच समायोज्य क्लच व ब्रेक लीव्हर्स देण्यात आले आहेत. त्यामुळे क्लचचा वापर अधिक हलका, सहज आणि सुरळीत होतो. शहरातील दैनंदिन प्रवास असो किंवा लांब पल्ल्याची सफर, राईडिंगचा अनुभव अधिक आरामदायी बनतो.
याशिवाय, मानक स्वरूपात यूएसबी टाईप-सी फास्ट चार्जिंग पोर्ट आणि ट्रिपर पॉड देण्यात आला आहे. त्यामुळे प्रवासादरम्यान स्मार्टफोन व इतर उपकरणे सहज चार्ज करता येतात. ट्रिपर पॉडमुळे टर्न-बाय-टर्न नेव्हिगेशनची सुविधा उपलब्ध होत असल्याने राईड अधिक सुलभ आणि अखंड बनते.
क्लासिक ३५० सिग्नेचर व्हाईट एडिशन ही क्लासिक ३५०च्या सर्वोच्च श्रेणीतील व्हेरिएंट्सपैकी एक असून ती एमराल्ड ग्रीन एडिशनसोबत उपलब्ध असेल. ही मोटरसायकल आजपासून सर्व अधिकृत रॉयल एनफिल्ड स्टोअर्समध्ये उपलब्ध असून, चेन्नईमधील तिची प्रारंभिक एक्स-शोरूम किंमत ₹२,२४,२७५ आहे.
सन २००८ मध्ये सादर झाल्यापासून रॉयल एनफिल्ड क्लासिक ३५० ही क्लासिक मोटरसायकल डिझाइनचे शाश्वत प्रतीक बनली आहे. जुन्या काळातील आकर्षण आणि आधुनिक अभियांत्रिकी यांचा सुंदर मिलाफ, तिची कालातीत रचना, वेगळी प्रमाणबद्धता आणि वैशिष्ट्यपूर्ण ओळख यांमुळे क्लासिक ३५० ही रॉयल एनफिल्डच्या वारशाचा अविभाज्य भाग ठरली असून, पिढ्यान्पिढ्या रायडर्सची आवडती मोटरसायकल राहिली आहे.
