श्री संभाजी राजे छत्रपती यांनी शिकागो येथे यूएसए-स्थित भारतीयांसोबत भारताचा ७७वा स्वातंत्र्यदिन साजरा केला

मुंबई/कोल्हापूर, ऑगस्ट २०२३: कोल्हापूरच्या मराठा राजघराण्याचे सदस्य आणि राज्यसभेचे माजी सदस्य, श्री संभाजी राजे छत्रपती यांनी भारतीय तिरंगा फडकावला आणि १५ ऑगस्ट, २०२३ रोजी, शिकागो येथे भारतीय अमेरिकन लोकांसह भारताचा ७७ वा स्वातंत्र्यदिन साजरा केला.
श्री राजे सध्या शिकागोच्या फेडरेशन ऑफ इंडियन असोसिएशन (FIA) च्या निमंत्रणावर, युनायटेड स्टेट्स ऑफ अमेरिकाला भेट देत आहेत – यूएसए मधील भारतीयांची ही सर्वात मोठी संस्था, शिकागोच्या भूमीत आणि यूएसएच्या मध्य-पश्चिम भागात, ३००,००० हून अधिक सांस्कृतिकदृष्ट्या वैविध्यपूर्ण भारतीय अमेरिकन लोकांचे प्रतिनिधित्व करते. जी १९८० पासून कार्यरत आहे. ज्येष्ठ काँग्रेस सदस्य डॅनी डेव्हिस, काँग्रेस सदस्य राजा कृष्ण मूर्ती, माननीय सोमनाथ घोष, भारताचे यूएसए मधील कौन्सिल जनरल, हे देखील स्वातंत्र्य दिनाच्या उत्सवात सहभागी झाले होते.
या कार्यक्रमात बोलताना, श्री राजे म्हणाले, “भारताचा स्वातंत्र्यदिन हा आपल्या पूर्वजांनी, अगणित स्वातंत्र्यसैनिकांनी आणि सैनिकांनी केलेल्या शौर्याचे आणि बलिदानाचे स्मरण करण्याचा दिवस आहे. आपल्या महान राष्ट्राचा ७७ वा स्वातंत्र्यदिन त्यांच्यासोबत साजरा करण्यासाठी मला आमंत्रित केल्याबद्दल, मी अमेरिकेतील भारतीय समुदायाचा आभारी आहे. छत्रपती शिवाजी महाराजांच्या तत्त्वांचे आणि त्यांच्या जीवनकथांचे पालन करून, मी सर्व भारतीयांना आवाहन करू इच्छितो की, या महत्त्वाच्या प्रसंगी राष्ट्राला आपल्या जीवनात प्रथम स्थान देण्याची शपथ घ्या.”
श्री राजे सध्या त्यांच्या वैयक्तिक क्षमतेत अमेरिकेच्या दौऱ्यावर आहेत आणि त्यांनी १३ ऑगस्ट रोजी, शिकागो येथील FIA च्या मेजवानीला हजेरी लावली. येत्या काही दिवसांत ते वॉशिंग्टन, न्यूयॉर्क आणि न्यू जर्सीसह इतर अनेक अमेरिकन शहरांनाही भेट देणार आहेत.